News

30. July 2026 festspel01

Pub-kor med Prots

Bli med på Pub-kor på Gildetun ungdomshus, leia av korlegenda Per Oddvar «Prots» Hildre. Dette blir ein kveld for songglede, fellesskap og god stemning – der alle kan vere med.

Pub-kor med Per Oddvar Hildre
Bli med på pub-kor med Per Oddvar Hildre

Fredagskvelden under Festspela inviterer vi til Pub-kor på Gildetun ungdomshus – eit nytt, sosialt og musikalsk møtepunkt der det viktigaste er å synge saman.

Kvelden blir leia av Per Oddvar «Prots» Hildre, ein av dei store inspiratorane i norsk korliv. Gjennom fleire tiår har han fått menneske til å kjenne krafta, gleda og fellesskapen i korsong. Prots er kjend for å skape entusiasme i rommet, få folk til å våge litt meir – og minne oss om at song ikkje først og fremst handlar om å vere perfekt, men om å vere med.

For alle som har stått på ein fotballstadion og kjent korleis songen kan løfte eit heilt publikum, er dette lett å forstå: Når mange stemmer møtest, skjer det noko med oss. Vi blir del av noko større enn oss sjølve. Det er akkurat den kjensla Pub-kor handlar om.

Kjøp billett her

Du treng ikkje kunne notar, ha sunge i kor før eller førebu deg på noko som helst. Vi lærer ein enkel song saman, steg for steg, og alle kan klare det. Under trygg og inspirerande leiing blir mange ulike stemmer til eitt stort fellesskap.

Dette er kvelden for deg som likar å synge, for deg som trur du ikkje kan synge, og for deg som berre har lyst til å vere med på noko varmt, uhøgtideleg og kjekt.

Ta med ein ven, senk skuldrane og bli med på ein kveld med låg terskel, mykje songglede og ekte festspelfaktor.

Time: Fredag 2. oktober kl. 22.00, dørene opnar kl 21.00
Place: Gildetun ungdomshus

12. July 2026 festspel01

Nyheitsbrev 1

Festspela i Geiranger 2026 – velkomen til ei heilt unik festivalhelg!

Der tonane møter verdsarven – ei helg med store musikkopplevingar mellom fjord og fjell.


Kjære festspel-ven, håpar du set pris på eit brev frå oss i Festspela:

No nærmar det seg endeleg nye festspeldagar i Geiranger, og vi gler oss til å ønskje både kjende og nye ansikt velkomne.

Det er alltid litt spesielt når programmet er klart og billettane blir lagde ut. Då byrjar vi verkeleg å sjå fram mot dagane då bygda blir fylt med musikk, gode møte og liv.

I år får vi besøk av artistar som Oslo Strykekvartett, Eva Weel Skram og Nordic Tenors. Samtidig held vi fast på det som har gjort Festspela til noko heilt eige – dei små avstandane, dei nære konsertane og dei store opplevingane som oppstår når musikken møter naturen her i Geiranger.

Enten du har vore hos oss mange gonger før, eller vurderer ditt første besøk, håper eg du finn noko på programmet som freistar.

Vi gler oss til å sjå deg i Geiranger!                                          

På vegne av Festspela i Geiranger

Gunnar Inge Eide
Festivalsjef

Vidare kan du lese litt om opplevingane i Festspelhelga:

Oslo Strykekvartett opnar Festspela

Festivalen opnar fredag kveld med Oslo Strykekvartett, eitt av Skandinavia sine fremste kammerensemble, saman med den internasjonalt anerkjende organisten Kåre Nordstoga.

Opningskonserten i Geiranger kyrkje blir ei høgtidsstund der publikum kjem tett på musikken i eit av festivalen sine vakraste konsertrom.

Seinare i helga møter du Oslo Strykekvartett igjen under den populære Festspelpuben, i ei uformell ramme tett på publikum.

Oslo Strykekvartett, foto: Andrej Grilc

Oslo Strykekvartett, foto: Andrej Grilc

Eva Weel Skram på verdsarvfjorden

Eva Weel Skram

Laurdag ettermiddag inviterer vi til ei heilt spesiell oppleving når Eva Weel Skram går om bord på den splitter nye elektriske båten Geirangerfjord III.

Med Dei sju søstrene som bakteppe og verdsarvfjorden rundt båten blir dette langt meir enn ein konsert – ei musikalsk oppleving du berre kan få i Geiranger, dette blir heilelektrisk!

Nordic Tenors – feststemt laurdagskveld

Laurdag kveld kjem Nordic Tenors til Geirangersalen. Dei er kjende for vakker song, lun humor og musikalske overraskingar, og her ventar ei oppleving litt utanom det vanlege. Vi kan love ein kveld med både kvalitet, varme og mykje godt humør.

Ei heil festivalhelg i Geiranger

Festspela handlar om meir enn konsertar. Gjennom heile helga blir bygda fylt med aktivitetar og opplevingar for både store og små.

Sikre deg billettar no!

Dei mest populære arrangementa kan bli raskt utselde. Dersom du ønskjer å vere trygg på å få plass på akkurat det du ynskjer deg, løner det seg å sikre billettane i god tid.

Program og billettar: https://www.festspel.no/program-2026/

Vi gler oss til å ønske deg velkomen til ei helg fylt med store musikkopplevingar, vakker natur og ekte festivalstemning.

Vi sjåast i Geiranger!

Billettar og program

Nordic Tenors

27. June 2026 festspel01

Programmet for 2026 er klart!

Festspela i Geiranger 2026 er klare med eit program som spenner frå kammermusikk og folkemusikk til song, humor, fjordkonsert og nye møteplassar. På programmet står mellom andre Oslo Strykekvartett, Nordic Tenors, Eva Weel Skram, Kåre Nordstoga og Britt Pernille Frøholm.

Vi er glade og stolte over å kunne presentere programmet for Festspela i Geiranger 2026. Årets festival samlar nokre av landets fremste utøvarar i ei ramme berre Geiranger kan gi: fjorden, fjellgarden, det unike kyrkjerommet og festivalbygda.

– Dette er eit program vi har gleda oss til å dele. Vi ønskjer at Festspela skal romme både det høgtidsame, det nære, det feststemte og det overraskande. I år meiner vi at vi har fått til nettopp det, seier festivalleiinga.

Festivalen opnar i Geiranger kyrkje med Oslo Strykekvartett og Kåre Nordstoga. Her får publikum møte musikarar av ypperste klasse i eit rom som kler både strykarklang og orgelprakt. Oslo Strykekvartett er eit av Skandinavia sine mest anerkjende kammerensemble, medan Kåre Nordstoga er rekna som ein av Europas fremste konsertorganistar.

Eva Weel Skram kjem også til Festspela. Ho skal halde konsert om bord på Geirangerfjord III, i stille ferd gjennom verdsarvfjorden. Med Dei sju søstre som kulisse blir dette ei ny satsing for Festspela, i samarbeid med Geiranger Fjordservice.

Laurdag kveld blir det konsert med Nordic Tenors i Geirangersalen. Dei tre tenorane er kjende for vakker stemmeprakt, lun humor og framføringar på høgt nivå. I Geiranger får publikum oppleve dei med fjordlandskapet som storslått bakteppe.

Folkemusikken får også ein sentral plass i årets program. Britt Pernille Frøholm møter Oslo Strykekvartett på Festspelpub, og ho deltek også på fjellgardkonserten på Westerås gard saman med Geir Inge Lotsberg og Kåre Nordstoga. Der blir Festspela avslutta med eit møte mellom folkemusikktradisjonen på Sunnmøre og dei store komponistane frå kontinentet.

I tillegg byr programmet på Barnas Festspel, haustmarknad og festivalgate, Pub-kor på Gildetun ungdomshus og festspelgudsteneste i Geiranger kyrkje.

– Festspela skal vere ein stad der publikum kjem tett på både musikken, artistane og bygda. Vi ønskjer å skape opplevingar som berre kan skje her, i møte mellom musikken, naturen og menneska. Velkomen til nye festspeldagar i Geiranger.

Sjå heile programmet

7. June 2026 festspel01

Nordic Tenors kjem til Festspela i Geiranger

Laurdag 3. oktober kjem Nordic Tenors til Festspela i Geiranger. Kva dei skal gjere, held vi litt hemmeleg enno – men vi kan love at det blir feststemt, utanom det vanlege og ei smakfull utvikling for Festspela.

Nordic Tenors er kjende for vakker song, lun humor og musikalske overraskingar. No kjem dei til Geiranger for å vere med på Festspela 2026. Trioen har i mange år begeistra publikum over heile landet med ei blanding av klassisk song, underhaldning og glimt i auget. Dei har stått på store scener, sunge for kongelege, vore med på opninga av Operahuset i Oslo og bygd opp ei av Noregs mest populære julekonsertturnear.

Når Nordic Tenors kjem til Festspela, blir det ikkje berre ein vanleg konsert.
– Vi har lenge hatt lyst til å gjere noko med Nordic Tenors i Geiranger. Dei har ein kombinasjon av kvalitet, varme og humor som passar veldig godt til Festspela. Samstundes ønskjer vi å utvikle festivalen vidare, og dette blir eit steg i ei ny og spennande retning.

Nordic tenors til Geiranger

Kva formatet blir, vil Festspela vente litt med å røpe. Men publikum kan vente seg ein laurdagskveld med stor stemmeprakt, god stemning og ei oppleving som skil seg frå det ein vanlegvis møter i konsertsalen.

– Vi kan ikkje seie alt enno, men vi kan seie at dette blir feststemt og utanom det vanlege. Nordic Tenors er meisterlege på å kome tett på publikum, og vi gler oss stort til å sleppe meir informasjon ganske snart. Konserten med Nordic Tenors blir laurdag 3. oktober, så vi oppfordrar publikum til å halde av datoen og vere klare når billettane blir lagde ut.

Festspela i Geiranger 2026 byr dermed på både store kammermusikalske opplevingar, musikalsk humor og nye format i verdsarvbygda. Meir program blir kunngjort fortløpande.

Oslo strykekvartett til Festspela i Geiranger
7. June 2026 festspel01

Oslo strykekvartett opnar Festspela i Geiranger!

Billettsalet til Festspela i Geiranger 2026 er i gang. Fredag 2. oktober kl. 20.00 opnar Oslo Strykekvartett festivalen med konsert i Geiranger kyrkje. Publikum får også møte kvartetten i ei meir uformell ramme under Festspelpuben.

Oslo Strykekvartett er eit av Skandinavia sine mest anerkjende kammerensemble. Sidan starten i 1991 har dei spelt for publikum i Noreg, Europa og USA, mellom anna på Wigmore Hall i London og Carnegie Hall i New York.

No kjem dei til Geiranger for å opne Festspela 2026.

– Oslo Strykekvartett har både tyngda, varmen og leikenheita vi ønskjer oss til Festspela. Dei passar svært godt inn i ramma av stor musikk i ei lita bygd, seier festivalleiinga.

Kvartetten er kjend for eit variert repertoar. Dei spelar klassiske meisterverk og nordisk musikk, men tek også gjerne musikalske omvegar. Publikum kan få høyre alt frå Grieg, Nielsen og norske komponistar til overraskande arrangement frå heilt andre sjangrar.

Opningskonserten i Geiranger kyrkje blir ei høgtidsstund der musikken får kome tett på publikum. Seinare i festivalen møter vi kvartetten igjen på Festspelpub, der stemninga blir meir uformell og repertoaret kan få endå større spennvidde.

Festspelpuben har blitt eit populært format under festivalen. Her kan publikum senke skuldrane, kome nær artistane og oppleve musikk på ein annan måte enn i konsertsalen.

Billettane til opningskonserten er no lagde ut for sal. Fleire arrangement og programdetaljar blir sleppte fortløpande.

Opningskonsert med Oslo Strykekvartett
Time: Fredag 2. oktober kl. 20.00
Place: Geiranger kyrkje
Billettar her

Festspelpub med Oslo Strykekvartett
Time: Laurdag 3.oktober kl 21.00
Place: Foajeen, Hotel Union Geiranger
Billettar her

15. September 2025 festspel01

🎶 Festspelpub med operaglam – bli med på ein kveld utanom det vanlege!

Velkomen til ei heilt spesiell oppleving i foajeen til Geirangersalen på Hotel Union, der vi inviterer til festspelpub med stil og snert! Mezzosopran Isa Katharina Gericke – kjend for si varme røyst, leikande formidling og store musikalske spennvidd – kjem for å gje deg ein kveld fylt med både musikalsk kvalitet og ekte spelglede.

View More 🎶 Festspelpub med operaglam – bli med på ein kveld utanom det vanlege!
Moddi spelar konsert i Geiranger kyrkje
7. September 2025 festspel01

Moddi opnar Festspela 2025

Fredag 26. september opnar Festspela i Geiranger med ein konsert som går rett i hjartet. Visekunstnaren Moddi kjem til Geiranger kyrkje – saman med ein strykekvintett frå Operaen i Kristiansund – for å gi festivalen ei vakker og ettertenksam opning. Billettane er no i sal!Med si varsame røyst, sine sterke tekstar og ei scenenær tilnærming har Moddi i mange år rørt eit stort publikum. Under opningskonserten i Geiranger får vi oppleve han i eit nytt og nært format.I tillegg til Moddis eigne låtar får vi høyre rein kammermusikk – mellom anna av Antonín Dvořák – som i denne ramma skaper ein vakker dialog med visene.
Meir info og billettar her
6. June 2025 festspel01

Programmet for 2025 er klart!

I 2025 markerer Festspela i Geiranger sitt femårsjubileum – og det med eit festivalprogram som spenner frå storslåtte konsertopplevingar til nære møte med musikk, folk og natur. Frå 25. til 28. september fyller vi bygda med tonar frå nokre av landets fremste artistar, i kombinasjon med lokale krefter, barnelatter og fagleg fordjuping.

Årets program bygg vidare på kjernen i det Festspela alltid har vore: ei feiring av musikk og kultur i møte med ei spektakulær vestlandsramme. Med artistar som Moddi, Sigrid Moldestad, Isa Katharina Gericke og Tricia Boutté inviterer vi til ei rekkje konsertar i unike omgjevnader – frå kyrkjerom og hotellfoajear til fjellgardar og festivalgater.

Fredagen opnar vi med ein stemningsfull kveld i Geiranger kyrkje og avsluttar med festspelpub i godt selskap. Laurdagen byr på gratis festivalgate med Barnas Festspel midt i sentrum – før vi rundar av dagen med storkonsert i Geirangersalen og musikalske overraskingar i foajeen.

Søndag vender vi blikket opp mot fjella, med ein akustisk avslutningskonsert på fjellgarden Westerås. Her lar vi musikken møte utsikta, i ein intim og ettertenksam avslutning på jubileumshelga.

I tillegg til konsertprogrammet løftar vi fram viktige kulturspor, som markeringa av 100 år med Nynorsk Salmebok og gehørspel for born og unge. Torsdag og fredag inviterer vi òg til fagseminar i samarbeid med lokale og regionale aktørar, der vi ser nærare på samskaping og berekraft i møte mellom kultur og reiseliv.

Etter fem år med musikk, møte og meistring er vi stolte av å kunne presentere eit program som speglar både utvikling og forankring. Vi ønskjer velkomen til ei helg der tonar og landskap, tradisjon og nyskaping smeltar saman – velkomen til jubileumsutgåva av Festspela i Geiranger!

Festspela i Geiranger | Designed by: Theme Freesia | WordPress | © Copyright All right reserved