Oslo Strykekvartett og Britt Pernille Frøholm møtest til Festspelpub med klassiske tonar, folkemusikk, hardingfele og musikalske overraskingar – i ei uformell ramme tett på publikum.
Velkomen til Festspelpub med Oslo Strykekvartett og Britt Pernille Frøholm – ein kveld der kammermusikk møter folkemusikk, og der musikken får bevege seg fritt mellom tradisjonar, sjangrar og uttrykk.
Oslo Strykekvartett er eit av Skandinavia sine mest anerkjende kammerensemble, kjende for sterkt samspel, levande formidling og eit repertoar som spenner frå klassiske meisterverk til nordiske tonar og overraskande arrangement.
Med seg har dei Britt Pernille Frøholm, ein av våre leiande folkemusikarar på fele og hardingfele. Ho har røter i folkemusikktradisjonen frå Nordfjord og Sunnmøre, men er også kjend for å utforske tradisjonen på nye måtar og ta hardingfela inn i uventa musikalske møte.
På Festspelpuben får publikum oppleve musikarar av høgaste klasse i ei meir uformell ramme. Her kan klassiske perler, slåttar, nordiske klangar og musikalske sidesprang kome side om side – med nærleik, varme og god festivalstemning.
Dette blir ein kveld for deg som vil kome tett på musikken og artistane, og oppleve kor levande møtet mellom kammermusikk og folkemusikk kan vere.
