Etter fjorårets fulle hus og smittande speleglede er vi stolte over å ønske New Orleans-bandet Gumbo velkomne tilbake til Festspela i Geiranger!
Gumbo inviterer unge musikarar til eit unikt gehørspelseminar der spel etter øyret, improvisasjon og fellesskap står i sentrum. Med sin verdsvandring i bagasjen og lang erfaring frå undervisning for born og unge, byr musikarane på ei musikalsk oppleving som både er lærerik, inkluderande og morosam.
Her er notar heilt unødvendige – deltakarane lærer å lytte, svare, spele saman og stole på eige musikalsk instinkt. Seminaret er ope for blåseinstrument og slagverk, og vert avslutta med felles deltaking i festivalparade laurdag.
Seminaret passar for musikarar frå femte klasse og oppover, med grunnleggande speleerfaring.
Vil du delta? Ta kontakt med Gunnar Inge på:
post@festspel.no / 93 04 91 85